الى كل طالب وطالبة فى تجارة انجلش عين شمس وخصوصا المطحونين بتوع 2011 اللى انا واحد منهم ,مبدئيا انا بكتب الموضوع دة وانا مكتئب عشان كدة هاتلاقوا الموضوع كله غم ونكد فلو كنت من محبى التشاؤم والقرف كمل قراية ولو لا اقفل الموضوع ومتوجعش دماغى.
كلها كام يوم ونبدا مرحلة الهروب من الخوازيق وصاحب النفس الاطول والرشاقة هو اللى هايعدى السنة دى صافى بس هاتروح فين يا حلو لو هربت من خازوق الاوديت هتتكعبل فى التاكساشين الخ الخ الخ ...وحتى بعد ما هانتخرج يا حسرة مش هانلاقى شغل القهاوى مستنيانا فاتحالنا دراعتها
ولو اشتغلنا هنبقى موظفين ( موظف دلوفتى بقت شتيمة على فكرة ) ودة مش كلامى انا
هانبقى عاملين زى حكيم فى اغنية السلامو عليكو لابسين نطارة كعب كوباية وماسكين البطيخة والجورنان وبنجرى ورا التوبيس عشان نلحقوه
خلاصة الكلام على راى سعد زغلول مفيش فايدة وربنا يسترها علينا السنةدى قولوا امين
ليست هناك تعليقات:
إرسال تعليق