اظاهر ان مبارك طلع من عشاق فيلم الناظر بتاع علاء ولى الدين زى معظم المصريين بس هو بحسه العسكرى المخضرم حاول ينفذ الفيلم على ارض الواقع نجح فى حاجات وفشل فى حاجات .
المشهد الاول
يجلس الناظر على كرسى حكم المدرسة يضع طلابه فى مواقف واسئلة صعبة ما تتحلش ويوزع الغنائم على نفسة قائلا اذا التانية لى الى فووق.
المشهد التانى
مدرسة عاشور بالاسلاك شايكة على سورها اى حد بيحاول يظهر الحقيقة للناس السلك اللى على سور المدرسة بيبقى اكبر شاهد على اللى جراله .. اللى بيحاول يشتكى من ظلم اتعرضلة بيتعاقب هو واهله
ثم ياتى الاستاذ حسين بفكره الاوربى فى التعليم ليحاول ان يقنع الناظر ان قمع طلابه اسلوب غلط وخد منة العصايا وقاله العيال بتسقط عشان بتكره المدرسة .. ليبدا الناظر فى الصريخ خد العصايا خد العصايا
المشهد التالت
الطلاب جابت جاز خلاص فاض بيها الكيل مبقتش طايقة نفسها خرجت فى مظاهرات بس مبارك كان فاكر انها كانت هتبقى زى مظاهرات فيلم الناظر اللى هو بيعشقه مع اول صف عساكر الثوار هيقولوا لف وارجع تانى لف وارجع تانى اية البواخة دى ياسلام ياسلام ياسلام
نجح الطلاب بعد معناة فى ان يخلع الناظر من منصبة وبدا فى خطوات عقايه على سنين العذاب والجهل والمرض
المشهد الرابع
اللى حصله فى الفترة القصيرة دة محصلوش طول حياتة زى ماتشات الملاكمة كدة لما ياخد كذا بوكس ورا بعض يفقده توازنة وتفكيرة وبقى انسب حل انه يعمل نفسة ميت عشان يهرب من المفرمة اللى هو فيها بس برده اللى بيضربهكمل ضرب
المشهد الخامس
بصوت خشن قال ميخا للناظر "جبت الترنك اللى هتتسجن بيه..؟؟
رد الناظر: لا مجبتش لا
ميخا : متقلقش هنجبلك ونبقى نحاسبك
فعلا اخرة الشقاوة عيش وحلاوة .. فى انتظار الجزء التانى يوميات ناظر فى السجن
