فتحت المصرى اليوم وياريتنى ما فتحت المصرى اليوم .. لقيتهم غلطانين غلطة فظيعة مينفعش ان جرنال محترم زيهم يغلطها , جايبين صور لفيلا فى شرم الشيخ فخمة و على البحر وفيها حمام سباحة وحركات وقال اية كاتبين ان هى دى مكان الاقامة الجبرية لرئيسنا المبجل المخلوع مبارك .
بس لقيت الخبر متكرر فى كذا مكان .. اظاهر انه حقيقى و هنا افتكرت فيلم وش اجرام لمحمد هنيدى لما كان عايز ينتحر عشان عندة عربية (بى.ام وسى.ام وجاجوار ) ومحتار يركب انهى فيهم .. قلت يمكن مبارك محتار هوكمان ينزل البحر ولا حمام السباحة ولا ياخد تان ودة مسببلة الم وارق طول الليل بسبب صعوبة الاختيار.
لو هو دة مكان الاقامة الجبرية على كدة احنا عايشين فى معتقلات بقى .. انا كمان عايز اقامتى تبقى جبرية لو هاتشهيص الشهيصة دى كلها .. انا دلوقتى عرفت بس هو ليه مشى بالسرعة دى . اكيد لو اليمن ولا ليبيا عندهم شرم الشيخ كان زمان صالح وقذفذف سابوا الحكم من زمان وراحوا يبلبطوا فى المية.
عشان كدة احنا لازم ننزل الجمعة الجاية وناخد موقف يا مبارك يجى التحرير يا احنا نروح شرم اهو نغير جو ,باربكيو على البحر ولا حفلة هاوس ولا يمكنحد مننا ربنا يكرموه ويعلق مزة ايطاليا يسافر معاها روما.
اما عايز اقامة جبرية من دى يا عم حزمبل ماليش دعوة .. و متقليش اليوم خولص
بس لقيت الخبر متكرر فى كذا مكان .. اظاهر انه حقيقى و هنا افتكرت فيلم وش اجرام لمحمد هنيدى لما كان عايز ينتحر عشان عندة عربية (بى.ام وسى.ام وجاجوار ) ومحتار يركب انهى فيهم .. قلت يمكن مبارك محتار هوكمان ينزل البحر ولا حمام السباحة ولا ياخد تان ودة مسببلة الم وارق طول الليل بسبب صعوبة الاختيار.
لو هو دة مكان الاقامة الجبرية على كدة احنا عايشين فى معتقلات بقى .. انا كمان عايز اقامتى تبقى جبرية لو هاتشهيص الشهيصة دى كلها .. انا دلوقتى عرفت بس هو ليه مشى بالسرعة دى . اكيد لو اليمن ولا ليبيا عندهم شرم الشيخ كان زمان صالح وقذفذف سابوا الحكم من زمان وراحوا يبلبطوا فى المية.
عشان كدة احنا لازم ننزل الجمعة الجاية وناخد موقف يا مبارك يجى التحرير يا احنا نروح شرم اهو نغير جو ,باربكيو على البحر ولا حفلة هاوس ولا يمكنحد مننا ربنا يكرموه ويعلق مزة ايطاليا يسافر معاها روما.
اما عايز اقامة جبرية من دى يا عم حزمبل ماليش دعوة .. و متقليش اليوم خولص
ليست هناك تعليقات:
إرسال تعليق